وردت الأطرش على ربط الجمهور شخصيتها الحقيقية بالواقع، بالتي قدمتها في مسلسل البيئة الشامية الشهير، مؤكدة بأن التشبيه ليس منطقياً، ولكنه جاء نتيجة أن الدور لا يزال عالقاً في أذهان الجمهور، مشيرة أنها تختلف بشكل كامل عن الدور الذي قدمته في بداياتها الفنية.
وقالت الممثلة السورية: ”بنبسط بالتعليقات حول لطفية، لأنه معناتها كنت قادر وصل الشخصية بالشكل الصحيح، وبنفس الوقت بحبها لأنها هي اللي عملتلي هالمحبة الكبيرة عند الناس، بس بالآخر هو عمل أكيد بفتخر فيه، وهو اللي عملنا اللمعة العربية عند العالم، بس خلص، وأنا ماني أي شخصية بقدمها، أنا ليليا".
ورداً على التعليق الأكثر تداولاً حول جرأتها ونمط حياتها المختلف عن شخصية ”لطفية"، فعلقت: ”يبدو أنها الشخصية علقت بالبال لأنه احنا اشتغلنا على مستوى واسع، واشتغلت سبع أجزاء، وحققنا مشاهدات كبيرة بوقت العرض النظامي على الشاشة، وطبيعي ما يقدروا يفصلوا بيني وبينها، لكن كل شي إله نهاية، وما في شي بضل للآخر، والحياة ماشية لقدام، وعنا كتير اشياء نعملها، وإن شاء الله تحبوني بأدوار تانية، وتبطلوا تنادوني لطفية".
وتطرقت ليليا الأطرش في حديثها عن علاقتها بالفنانة اللبنانية ماغي بو غصن، بعد أن شكك البعض بصداقتهما بسبب تعليق الأولى على صورة ماغي وزوجها المنتج جمال سنان، معتقدين أن التعليق هدفه المشاركة بأحد أعمال الأخيرة.
وقالت الفنانة السورية: ”ليش صرنا كتير أشرار، أنا أول شي أنا صديقة لماغي بوغصن على المستوى الشخصي والفني واشتغلنا مسلسل سوى من كم سنة اسمه جوليا، وأنا بحبها وبحب علاقتها بزوجها".
وتابعت ليليا الأطرش: ”بحب دعم زوجها لها وهو معاها وسند لها وهي فنانة انظلمت بمطارح من هي الشغلة".
وعلقت الأطرش على خضوعها لعمليات التجميل، قائلة: ”اللي بشوفني وجهاً لوجه، بعرف اني مش عاملة شي بستاهل، بس هلأ صرنا بعصر السوشال ميديا، وفي فلاتر وتزبيط صور، وأنا مبسوطة مع حالي هيك، ومتصالحة مع حالي، بس خلوا شوية احترام بالتعليقات".
