وقال المخرج المصري خلال لقائه في برنامج "كلمة أخيرة": "حاولت أخفف مشهد محاولة الاغتصاب لأنه كان قاسي جداً خاصة إن البنت زي العصفورة وهي رمز الطيبة والتسامح في الفيلم، الحكاية قاسية مجرد تتحكي حاولت أخففه زي ما خففت النهاية".

وأضاف: "الرقابة المؤسّسية مش هصطدم بيها لأني هعمل الحدود هي آخر همي، لكن رقابة الناس لازم تبقى في دماغك".

وأردف بالقول: "النهاية كانت حاسمة لكن خليتها أخف عشان متكونش قاسية جداً، خليتها فيها حاجة مش مفهومة، الأستاذ أسامة أنور عكاشة كان كاتب تقريباً نفس النهاية لكن بطريقة أخرى".

فيلم "الإسكندراني" مستوحى من رواية تحمل الاسم نفسه للكاتب الراحل أسامة أنور عكاشة، ويضمّ مجموعة من النجوم، بينهم: أحمد العوضي، زينة، عصام السقا، بيومي فؤاد، حسين فهمي، صلاح عبد الله، محمود حافظ، ومحمد رضوان.