عرضت الإعلامية بسمة وهبة، مقطع فيديو مؤثر للفنانة الراحلة تحية كاريوكا، التي قالت إن فيفي عبده تقدم لها مساعدات كبيرة.
وردت فيفي عبده، في حوارها مع الإعلامية بسمة وهبة مقدمة برنامج "العرافة"، على قناة المحور المصرية، قائلة: "الكلام ده جدعنة؟! مش جديد على الراقصات على فكرة، كل الراقصات معروف عنهم الجدعنة زي الحاجة تحية ونجوى فؤاد وغيرهم وبوسي ودينا واللي ماتوا".
قالت فيفي عبده، إن نجوى فؤاد لم تقل أبدا إنها في حاجة إلى أي مساعدة، موضحةً: "الوجود عند الفنان مش إننا نديله فلوس، ممكن يبقى معاه فلوس بس عاوز ناس، وبشر، من حقها إنها تمثل وتبقى أم أو خالة".
وأضافت: "أنا متطمنة عليها وعارفة إن حالتها كويسة، معرفتش تعبر لما قالت عاوزة آكل عيش، نجوى فؤاد مش عارفة تعبر عن مشاعرها الحقيقية".
وتابعت: "أغلب الناس اللي بيموتوا من الفنانين بيبقى من القهر، الناس بيبقوا حواليهم ومرة واحدة ميبقوش معاهم، الكلام ده مكنش موجود قبل كده، زمان الناس كانت بتسأل على بعض.. نجوى محتاجة تشتغل، وعمرها ما قالت لحد إديني، هي عاوزة شغل عشان تبقى قدام الكاميرا لأنها بتحبها".