وردّت جلال على شائعة اعتزالها التمثيل، قائلة: ”معرفش مين طلع هذه الإشاعة اللطيفة، هما سألوني أنتي فين؟ قولت أنا موجودة لما بيجي لي عمل كويس بنزل أعمله وأرجع البيت، كلنا بنمر بفترات اكتئاب، ممكن بعد عمل يكسر الدنيا أقعد سنة أو اتنين في البيت مش بمزاجي".
وأعربت جلال خلال إطلالة إعلامية لها مع برنامج ”التاسعة" عن حبها العميق للعمل في مجال التمثيل وتعلقها به، مشيرة إلى أنها لم تفكر في الاعتزال طوال مسيرتها الفنية، إضافة إلى أن هذه الفكرة تبتعد عنها دائما على حد تعبيرها.
عدم رغبتها بدخول بناتها مجال الفن وأكدت عدم رغبتها بدخول بناتها في مجال الفن نظرا لكونها مهنة صعبة ومرهقة وتحتاج إلى جهد وتفكير عميق، كما تفقد الشخص أشياء كثيرة وتجعله دائم الانشغال.
وأضافت: ”مبتمناش بناتي يشتغلوا في الفن، لأنها شغلانة متعبة نفسيا وجسمانيا وذهنيا، وبتضيع منك حاجات كتير أوي، وماشية ببركة ربنا".
رأيها في السوشال ميديا وقالت جلال إن مواقع التواصل الاجتماعي أثرت في المجتمع بشكل سلبي، حيث ”جرأت" مستخدميها، وأصبح كل منهم ”يشتم" الفنان ويوجه له الانتقادات السلبية، دون مراعاة لعائلته وأولاده الذين يتأثرون بالتعليقات.
وأضافت: ”السوشال ميديا جرأت الناس، فأقعد اشتم في صفاء أنا مبردش لكن بتضايق طبعا، إحنا بني آدمين وستات متحوزين وعندنا أولاد بيزعلوا لما يقرأوا الكلام ده وأهالينا، أنت مبتحبنيش مفيش داعي تشتمني، وأتمنى الناس تتعلم احترام الآخر".
وتابعت: ”السوشال ميديا مأثرة علينا بشكل سلبي بشع، أنا بحاول مع البنات أن في وقت هنتجمع مع العيلة، في وقت هنزور تيتة وجدو لازم نعمل كده عشان يبقى في علاقات إنسانية بينا وبين بعض".
نصيحة عادل إمام لها كما تطرقت جلال للحديث عن نصيحة الفنان عادل إمام لها بشأن الاكتئاب، موضحة: ”عادل إمام قالي اضحكي علاج الاكتئاب الضحك، ومفيش حاجة في الدنيا تستاهل إن الإنسان يكتئب عشانها بس برضو إحنا بني آدمين وبيجيلنا لحظات ضعف إنسان".
وقالت إنها خرجت من فترة ”الاكتئاب" التي تعرضت لها، من خلال خروجها مع بناتها لقضاء بعض الوقت الممتع خارج المنزل، إضافة إلى انشغالها رفقتهم ببعض الأشياء التي تحبها على حد تعبيرها.
كواليس تعاملها مع فؤاد المهندس
وكشفت الفنانة المصرية كواليس تعاملها مع فؤاد المهندس، لافتة: ”فؤاد المهندس كان الشغل معاه كان متعة، وكان بيحكي عن شويكار حب عمره، مفيش كلام في الكواليس غير عن المسرحيات اللي عملها مع شويكار، وعن قد إيه هو بيحبها وشايفها أجمل نساء الكون".
