القلعة نيوز -
في تعليقها الأول على احتفالها بخطوبة نجلها نور عمرو أديب، نشرت الإعلامية لميس الحديدي عبر حسابها الخاص في إنستغرام مجموعة صور من الحفل شاركت بها جمهورها لحظات إنسانية مؤثرة، وأرفقت الصور برسالة مليئة بمشاعر الحب والامتنان.
وكتبت لميس الحديدي في تعليقها على الصور: ساعات الكلام يعجز إن يعبّر عن كل المعاني... معاني الشكر والامتنان لكل الحب والسعادة اللي حاوطتني في خطوبة ابني نور أديب وحبيبتي القمر مريم السطوحي.
وأضافت: المشاعر الحقيقية بتبان وبتوصل وأنا إمبارح كنت في طوفان حب حقيقي وصلني من كل الناس عائلة مريم الجميلة اللي زوّدوا عيلتي، أهلي وعائلة ابني وأصحابي اللي دايماً سندي وفي ضهري... صوت صديق عمري هشام عباس اللي ملا الدنيا فرح... سعادة ليلى علوي وإلهام شاهين وهاله صدقي... كل الاتصالات اللي وصلتني من مصر ومن خارج مصر... كلها كانت إمبارح طاقة فرح أمدّني الله بها.
لميس الحديدي: شعرت بأحاسيس مختلطة لحظة تقديم الشبكة
واستكملت لميس منشورها قائلةً: دايماً بنسمع أغنية يا دبلة الخطوبة ونضحك ونفرح... وأنا بأقدّم الشبكة كان جوايا مشاعر كتير مختلطة، ده ابني نور الصغير اللي لسه كنت بأوصله أتوبيس المدرسة، الحمد لله كبر وبقى عريس... وزي كل أم بتفتكر الطريق الطويل والحلم أن يصل ابنها لبر الأمان رغم الصعاب... دي حكاية كل أم وحكايتي.
واختتمت لميس الحديدي منشورها قائلةً: شكراً لكل كلمة حب، شكراً لكل ابتسامة وضحكة من القلب، شكراً إنكم شاركتوني فرحتي، شكراً للدعم اللي دايماً محتاجاه وبيسندني... ودايماً الحمد لله الحمد لله الحمد لله، فأفضالك ونعمك عليَّ لا تحصى ويكفيني أنك رزقتني بابن بار وصالح وابنة جميلة بنت عيلة طيبة وأصيلة.
