القلعة نيوز - نادر حرب
اللي صدمني اليوم مش رحيل معاوية بس
صدمني عدد الناس اللي صاروا يحكوا عنه، وعدد أصحاب المؤسسات الإعلامية اللي كانوا بعرفوه
معاوية كان يطرق أبوابكم وهو حي، ويطلب فرصة
كان صاحب خلق وأدب وثقافة، وكان مؤمن إنه عنده شيء يقدمه كمعلق رياضي وإعلامي
أربع سنوات قضاها في التلفزيون الأردني بدون أجر، على أمل وعود بالتوظيف ،، وانتظر، وصبر، وانتهت السنوات وما إجت الفرصة.
اليوم بنحكي:
معاوية كان يستحق ، معاوية كان موهوب ، يا ريت أعطيناه فرصة.
بس يا جماعة هو ما كان بده منكم غير هاي الفرصة وهو حي.
ليش لازم يموت الإنسان حتى نكتشف قيمته؟
ليش بنستكثر على الناس كلمة "أنت بتستاهل” وينالوا فرصتهم وهم بينا؟
معاوية رحل
لكن قصته لازم تخلينا نراجع حالنا
لا تنتظروا موت الناس حتى تقدروا تعبهم
