شاركت الفنانة منال سلامة، جمهورها ومتابعي حسابها الرسمي على موقع وتطبيق إنستقرام، صورة لنجلها على سرير المرض في المستشفى، بعد خضوعه لعملية في أحد المستشفيات، لم تكشف عن تفاصيلها.
منال سلامة تطلب الدعاء لابنها وتؤكد الحياة مش بمبي
وعلقت منال على صورة ابنها كاتبة:"ده علي ابني لسه خارج من العمليات الحمد لله، أدعو له ربنا يتمم شفاه على خير، أنا عمري ما نشرت أي خبر وحش عني أو عن أسرتي، دائماً بنحط الصورة الحلوة فقط".
وأوضحت:"أنا بقول الكلام ده عشان الناس فاكرة الحياة بمبي طول الوقت، وده مش حقيقي يعني أنا دلوقتي في المستشفى مع ابني لوحدي، عشان جوزي بيصور مسلسل (نقل عام) اللي بيتعرض على الهواء، شغلنتنا مفيهاش رحمة ودي مش أول مرة أتعرض للموقف ده علشان، احنا بنشتغل شغلانه بدون قلب والناس فاكرة إن حياتنا من غير متاعب الحمد لله ربنا يتم شفاه على خير".
تطورات الحالة الصحية لنجل منال سلامة
من ناحية أخرى طمأنت الفنانة منال سلامة، جمهورها بعد خضوع نجلها على عادل أديب لعملية جراحية، موضحة في تصريحات صحفية أن حالته الصحية في تحسن بعد خروجه من غرفة العمليات، مشيرة إلى أن الأطباء سمحوا له بالخروج لمتابعة حالته الصحية من المنزل.
وقالت منال سلامة:"الحمد لله على حالته الصحية في تحسن وحاليًا فاق من تأثير البنج، والأطباء المعالجون له سمحوا أن يخرج من المستشفى لمتابعة حالته الصحية من المنزل، وشكرًا لكل الجمهور والأشخاص اللي سالت واطمأنت على ابني".
