القلعة نيوز_نيرسيان أبوناب  _أنتِ قوية ، وقوية كتير كمان !! حتى لما كان فصل الخريف جواتك ولما بلشت العواصف تظهر ع جوارحك ضليتك ثابتة ومن دون ما يميلك الريح وكنتِ أقوى من إنو يهزك حتى ، وبتسالي إنك قوية ؟
لما كنتِ تغصبي حالك ع الضحكه وبالرغم أنو كان بينك وبينها أميال وتبيني أنو أنتِ والحياة صحبة ،وصحبة كبيرة كتير كمان عشان ما حدا يحس ضعفك ، ولساتك بتشكي إنك قوية؟
 حتى لما عرفتي أنو الصاحبات الي كنتِ معتبرتيهم صاحبات طلعوا ولا شي ، وضليتك ثابتة وملامح وجهك قوية مع أنو كان عندك أوتار كل ما بتضحكي بتشعلي النار تحتيها وبتذوب من الوجع وكنتِ لساتك ثابتة ، وعنجد لحتى الآن مستغربه إنك قوية؟!
غير الحكي الي مشيتي عنو ، وغير الضحكة الي تجاهلتيها وحتى النجمه الي كانت أملك الوحيد واعتبرتيها صديقتك لما دخل نورها ع قلبك طفى من شدة الكتمان ،وكل هاد مستغربه إنك قوية؟!
الأشي الوحيد الي بدي احكيلك ياه ، انو رح تمضي بهالحياة وأنتِ رمز القوة ، بتعرفي ليه ؟! لأنك فعلاً قوية. 
بقلم :صبا_ابراهيم_الخليلي