القلعة نيوز - غالبا النصاب من دول لما بييجي ينصب علي سيادتك .. بيبذل مجهود كبير و بيخطط و يفكر و يتنكر و يتكتك علشان يقدر ينجح في مهمته و يقنعك و يبيع لك الوهم و ياخد فلوسك و يقلعك ملط .. و النوع ده من النصب بيحصل كتير اوي عندنا و منتشر .. لكن انك تلاقي نصاب بيتطوع و بيدخل عليك من نفسه كده و يقولك مساء الخير يا كروديا .. علي فكرة انا نصاب و محتال و جاي اخد فلوسك .. فتقوم انت تقوله لا علي فكرة انت جميل متقولش علي نفسك كده .. و تروح مديله الي معاك عادي و انت مبسوط و الفرحة مش سايعاك .. فده بقي نوع من النصب .. بيحصل عندنا بردو عادي.. بيقوم بيه الاخوة النصابين المعالجين بالطاقة مع الناس الي بيصدقوهم و بيتفرجوا عليهم و بيدفعوا الافات علشان يحضروا كورساتهم و يتعالجوا عندهم ..