كشف الفنان المصري تامر حسني، تفاصيل معاناته في بداية حياته، مؤكدا أنه واجه صعوبات كثيرة حتى وصل إلى ما وصل إليه الآن
وقال حسني في برنامج "الحكاية” مع الإعلامي عمرو أديب”: "لو مش عاجبك مكانك في الدنيا غيَّره لأنك مش تمثال وإنت مش شجرة وينفع تروح كده وكده وينفع تعافر والكلام ده حقيقي”.
وأضاف: "أنا شخصيا مريت بده والحمد لله ربنا كرمني وبقيت بحقق في أحلامي… أحيانا كنت أسمع كلام مهين وكنت بقول ماشي هقبلها لأني كنت بتذل لحلمي ومعنديش مشكلة المهم أوصل وهوصل يعني هوصل وده كان في دماغي”.
وأوضح تامر أن فيلمه الجديد "مش أنا” الذي يعرض الآن في دور السينما، يناقش هذه الفكرة ويوجه الشباب إلى كسر شماعة الظروف، لافتا إلى أن "شماعة الظروف دي أنت لازم تكسرها وتدمرها، وبوصل لرسالة في آخر الفيلم إن المشكلة في اللي معندوش طموح”.
وتابع: "أنا حاسس بالشباب جدا وأنا واحد كنت من فترة مكنتش بقول الظروف لكن كان عندي الظروف كلها ومكنش معايا فلوس وكان عندي مشاكل أسرية ومش لاقي أكل ومش عارف أروح وأنا كتامر حسني عدى عليا سنين مش لاقي أكل وكان لازم أدور على طريق لأن كان قراري كتامر هوصل يعني هوصل وأجي لها كده وأجي لها كده ومن غير يأس”.
Video Player
