كتب الزميل الاعلامي بلال العجارمة على صفحته في الفيس بوك
السلام عليكم ورحمة الله وبركاته اولا... رمضان كريم عليكم جميعا ..انا بلال العجارمة الي ماسك الدلة بالصورة وطبعا ماسكها غلط .. الواحد يحمد ربه على كل شي وبصراحه ما في حدا يتفاخر باي عارض صحي، لكن أنا أعاني من ارتخاء أوتار بايدي وصعب أمسك أي شي في ثقل .. لهيك اضطريت امسكه بالعكس وكنت رح ابرر للمتابعين على الهوا لكن فاجأني المخرج على السماعة بأنه معي اتصال لهيك انعجقت وما بررت.. والخطأ وارد جدا واعتذر عنه والانتقاد أمر طبيعي جدا ..لكن الاساءة الشخصية مرفوضة تماما وكل انسان يسيئ رح اتعامل معه قانونيا وهذا حقي المشروع .. خلينا نتعلم انه نجد عذرا للانسان قبل ما نتهمه ..
ملاحظة اخيرة .. يمكن ايدي مسكت الدلة بالغلط لعارض صحي لكن ايدي بعمرها ما سرقت ولا نهبت ولا انمدت عالحرام .
اتمنى منكم اي حدا يشوف هاي الصورة منشورة يضع هذا البوست كتعليق من باب تفسير الحادثة وبيان السبب لا أكثر رمضان كريم وكل عام وانتم بخير.
