ناشدت الشابة الأردنية إسراء التايه الجهات المختصة في الأردن للتدخل بحل قضيتها والسماح لها بإدخال علاج طبي تعذر وجوده في الأردن.
ونشرت الشابة إسراء رسالة تتحدث فيها عن معاناتها تالياً نصها:
أصعب شي بالرغم من كل المعاناة اللي بواجهها يوميا بسبب مشاكلي الصحية .. توقف بوجهي الإجراءات الحكومية..
تخيلو عشان اعمل عملية.. صرلي اكتر من شهرين عمبحاول اوفر الادوات اللازمة اللي للأسف غير متوفرة في بلدنا "الاردن" وبعد صعوبات الحمد لله لقيتهم وطلبتهم من أمريكا.. وهون بدأت القصة..
كيف بدهم يدخلو على الاردن الحبيب؟!
الموضوع اصعب من تدخيل الجمل بإبرة.. كخطوة اولى الجمارك رفضو المعاملة وكتبو "عدم إنجاز" على البيان الجمركي.. يعني ممنوع دخولها على الاردن.. هلأ بدنا نبدأ المحاولة والمفاوضة..
لازم نجيب قائمة طويلة من الاوراق الحكومية لحتى نحاول نقنعهم..
تقرير طبي، كتالوج الاستخدام، فاتورة، صورة شخصية، صورة هويتي، صورة دفتر العائلة، صورة جواز واقامة خالي (لانو البريد باسمو)، رسوم جمركية اعلى من سعر القطعة.
بس ضل يطلبو ورقة من الجيش والقوات الخاصة
وبعد كل هاد ممكن يوافقو ويمكن لا!!
يعني لما انا كمواطنة أردنية عايشة ببلد راائع متل الاردن وعندي مرض نادر شو اعمل بحالي؟! يا بوفرو لي الادوات اللازمة من داخل البلد.. او يسمحو لي اجيبها من برا.. هدول ادوات طبية مضطرة عليها!!!
كيف الجمارك بكل بساطة بتحكي مرفوض دخولها على الاردن؟! شو هالقطعة الخطيرة يعني؟!
نفسي اعرف مين المسؤول عن الجمارك الاردنية الحكيمة اللي بتاخد هيك قرارات حتى اقدر اوصللو الرسالة!!!
بلدي الحبيب اما ان تدعمني وتساعدني او لا تقف بوجهي وتكون انت والمرض علي
