رغم كل ازماتنا اليومية المستفحلة . فما زال " البعض " منّا، مشغول بالحاج ؟؟؟!!!


القلعه نيوز - بقلم : النقابي محمد الهياجنه

معقول مشغولين بالجاج وأسعار الجاج ومقاطعة الجاج ...
قصة مع ان لدينا عشرات القصص اليومية أسعار المواد الغذائية والكهرباء والتراب القادم من الشرق!!!..
والخوف من نقص المياه . ..والشوارع ازدحام بالسيارات رغم ارتفاع المحروقات والضرائب والخبز...
و البطيخ بسعر معقول ٤ كيلو بدينار على السكين .. وعلى الجانب المقابل البندورة كل يوم بسعر والليمون بدون طعم .. نحن نعيش بأزمة الازمات مع ان أمورنا بخير وكما يقول المسؤول مقارنة مع غيرنا وغيرنا كفر بالنعمة واصابهم نقمة ..
أعوذ بالله نحن نحمد الله على السراء والضراء نقبل بالقليل القليل ورغم ذلك هناك من يلاحق القليل تاعنا مش عجبة قليلنا..!!!!
حسد وعين فارغة ياأخي قابلين بالقليل القليل وشاكرين لله انت ليش مسطوح ليش مفقوس فككك منا وخف عنا شوفلك سوالفة مع ان سواليفك اليوم بدون طعم وربي اصبحت سولفتك مسخرة ..
قبلنا بالهم والهم ما قابل ايش نعمل.
حد يساعدنا لوين نروح نهاجر ويبقى الضيوف والمهجرين والوافدين مع ان حالهم مثل حالنا او حالنا اقل من حالهم ورغم التشابه علينا نحن نقطع ببعض ونتقاطع بين بعض وعلى بعض تقول أعداء رغم صلاتنا وصيامنا نحن الأسوء مع بعض لدرجة ما عاد نرغب نشوف بعض.
وبيجي واحد بقول من وين الغلاء والبلاء والفقر جد مش عارف ايش الأسباب!! صلي ركعتين واستخير وراح تشوف العجب قديش انت قاطع بنفسك فمابالك بمن هم حولك ...!!!!
والمضحك كل قطع وحقد وبكون بالصف الأول بالجامع او الثاني فروض ...
.....ومنافق كذب معلم كذب ......
عفوك ربي رحمتك ربي .
الحمد لله..
تحية للجيش والأجهزة الأمنية ..
حمى الله الله والهواشم...
* كاتب شعبي