الإعلامي محمد الكعابنه

طرحت الناشطه الاجتماعيه أيمان المسعود مبادرة " أجرو ولا هجرو " وذلك لكسوة الفقراء والمحتاجين من خلال جمع الملابس التي لم يعد أصحابها بحاجه لها بعد غسلها وكويها وترتيبها ،

وقد اشارت المسعود عبر منشور لها عبر صفحة الفيسبوك وقالت:-

السلام عليكم

عندي اقتراح احنا هلأ جايين على أعياد و تعزيل صيفي

مابدي احكي نعطي أواعي لحد هاي الحركة اكيد بنعملها وكل حد عندو حدى يعطيه

ولاحظت انو بناتي كبرانات وفي كم فستان ما توزعوا وبنفعوا للعيد جد جداد واكيد كلنا عنا نفس الاشي سواء اولاد او بنات

يعني الا ما يكون عندك لبسة كاملة بتنفع لعيد لشخص اخر جهزيها واكويها وعطريها و صوريها ومع الصورة حطي العمر المناسب ومكانك وخلي اقرب محتاج الك ياخدها

او ممكن حذاء تنظفيه ويكون جاهز للعيد لأي محتاج ،

خلونا ننزل تحت شعار "أجرو ولا هجرو"

هاد البوست شفتو على كثير جروبات وكثير ناس استفاد

ياريت نفيد بعض

في ميزان حسناتكم