د. شهد الشوملي
وجهت الطبيبة الأردنية المقيمة في تركيا، الدكتورة شهد الشوملي، رسالة مؤثرة تنبض بالعاطفة الصادقة إلى والدتها، الدكتورة ورود الخصاونة، عبّرت فيها عن حبها الكبير واعتزازها وفخرها بها. وفيما يلي نص ما كتبته الشوملي:
حبيبتى أمي أنا فخورة فيك بأحلى وأجمل أم.
أمي الي من فتحت عيني عالدنيا وهي مميزة
ما أجمل شعور انها تكون أمك مميزة
أمك إلها بصمة
أمك الكل بسأل عنها وبقلك جد هاي أمك
أمي لا تشبه أي امرأة
أمي لا تشبه أي أم
أمي الي انعرفت وانشهرت في الإمارات
أمي دائماً خبر في كل الإذاعات والتلفزيون والجرايد
أمي وانا صغيرة كانوا بنات صفي ومعلماتي يسألوني عنها.
أمي الحبيبة الي وين ماراحت تنجح وجعلتنا دايما فخورين فيها
أمي الي علمتنا كل شي
قوة الشخصية
القناعة
أمي الي اكتسبنا منها جين الذكاء
أمي سليلة الأصل والفصل. أمي الجميلة الصغيرة ذات الوجه الطفولي والضحكة الحلوة
أمي الي ربت ثلاث أطباء
أمي الي رغم انشغالها هي رضية الوالدين وباره بأمها وأبوها وإخوانها
أمي
الي ماتتركنا لحظة هي تعلمنا الصح والخطأ
أمي سيدة الأعمال المشهورة
الي تمسكت بعاداتها وتقاليدها
والي ما تسمح لنا نغلط أو نتصرف غلط
أمي الي ربتنا نحب الناس
ونحب الأهل ونحب الأردن رغم كل بعدنا عنه إلا إنها علمتنا انه احنا اردنيين.
أمي بس تزعل بتسمع دقة المجوز والوطني وبس ترضى بتسمع وطني
أمي اللي ما غيرها مال ولا شهرة
ضلت أم أردنية محبة لوطنها
ملتزمة بعادات وتقاليدها رغم كل غربتها وانشغالاتها
شكرا أمي
أنا فخورة فيكي
فخورة بأمي
ابنتك د شهد
