القلعه نيوز - بلقم الكاتب الشعبي النقابي محمد الهياجنة
الزيادة السنوية للموظفين قرار حكومي شجاع إشعال الانوار قدام المواطن هنيالك يامواطن قديش مدلل!!!
قالت الحكومة ...
يامواطن لاخوف عليكم اليوم ولا انتم جائعون ....مين قدكم مين .
الزيادة السنوية بخير راح تستمر ..
انا مش عارف قيمة الزيادة السنوية اكيد حسب التضخم واحد بقول ايش هو التضخم ياعمي حسب الأسعار هناك توافق بين الزيادة السنوية وبين ارتفاع الأسعار لسلع واي سلع هو تبقى سلعة لم ترتفع ب ٨٠% والزيادة راح تكون معقولة بس بدها شوية ترشيد يا مواطن ايش بمنعك على الصبح رغيف خبز مع كاسة شاي سكر زيادة ..
والظهر رغيف خبز وقطعة حلاوة اوحبة بندوة والعشاء (نام خفيف)..
والجمعة رطل جنحان وعيش وبلاش رز اخلاط رز مع عدس وشوف كيف الحال...
يارجل عندك راتب ( ٤٠٠ دينار) نزل الكهرباء والميه والنت والغاز وكم زجاجة دواء من جارك الصيدلي وشوف ايش بتبقى معك ثمن صندوق تتن ووقية قهوة او بلاش قهوة كاكاو لدم ممتاز ...
وعيش على قدك مش مهم تاكل المهم انت بتشوف بالسوق شو ما بدك ما حد بمنعك و ببلاش الفرجة شوف وتحسر وتمتم بقلبك على امين فكرك !!!..
عمر النوم والطعام ما طول عمرك ..
صوم يوم ويوم افطر وشوف صحتك كيف بتكون مع جماعة البؤساء....
صدقوني الخيارات امام المواطن ميسرة وبلاش نشكي تمتم دخيلك بقلبك ..
وآخر دعوانا الحمد لله.
تحية للقايش وبورية الجيش والأجهزة الأمنية..
حمى الله مملكتنا والهواشم .