القلعة نيوز -
قوانين وأسعار المحروقات والكهرباء بدك نصيحة الزم بيتك ترتاح وبتريح وماحد روح يخالفك او يزعجك .. برطع ببتك وأفضل طرق طريق السلامة قصدر وبلاش السيارة وبلاش على الرصيف علشان البسطات محتله الرصيف ومرورك بسبب احتكاك والشر من شراره... وحماية صحتك من الأمراض تناول وجبه باليوم بعيد عن الحمه والجاج والفواكه واكثر من شرب الميه علشان تبقى خفيف نحيف وكمان بلاش الفلافل والحمص والفول بسبب انتفاخ مزمن وأفضل تصرف على السطح ما حد بسمع ولا بشوف. وخير الكلام الصمت فقط بعيونك بكفي مش بتقول( سميرة توفيق) لا بدي اكل ولا اشرب بس اطلع بعيوني وهاي الوقت اطلع بعيونك شوف وتمتع وعيش .... زمان قالوا من كثر كلامه قل أفعاله. بلاش القيل والقال صارنا سنين شغل هرج بكفي خلي لغة العيون بيننا أجمل وسيلة اتصال وكمان ليش الدخان والارجيلة على اساس بتشكي من الفقر ومصاريف الدخان والنت وكل بيت فيه سيارة وسيارتين وبيجي واحد بقول مكسور على أجرة الشقة او الكهرباء !!.
طيب ليش راكب سيارة وأولادك وبيتك أهم وأحق من مصروف السيارة ... خلونا نعيد حساباتنا ونتكيف مع الواقع الجديد وبلاش نتذمر كثير نصيحة خلونا نعيش على قد حالنا .. رافقتكم السلامة السرعة جنون وخير الكلام الصمت.. تحية للقايش وبورية الجيش والأجهزة الأمنية... ومملكتنا والهواشم... والمرابطين بالقدس والاقصى ...
كاتب شعبي محمد الهياجنه
